Şirkətimiz keyfiyyət idarəetmə standartlarının auditindən uğurla keçərək beynəlxalq “ISO 9001:2015” sertifikatını əldə edib.
“ISO 9001:2015” sertifikatı idarəetmə və müştəri məmnuniyyətini qazanmaq istiqamətində görülən işləri müəyyən edən ən müasir beynəlxalq standartların tətbiqini nəzərdə tutur.
Sertifikatı yalnız qaydaya salınmış keyfiyyət idarəetmə sistemini tətbiq etmiş şirkətlər ala bilir. Bu standartlar bütün dünyada tanınır və təqdim olunan məhsul və xidmətlərin təhlükəsiz, etibarlı və keyfiyyətli olmasını ehtiva edir.
“ISO 9001” standartı müştərilərin ehtiyaclarını ödəməklə yanaşı, şirkət əməkdaşlarının inkişafına və təkmilləşdirilməsinə da ciddi diqqət yetirir. Biz inanırıq ki, səriştəli və təcrübəli komanda heyəti şirkətimizin - “ULTRA Technologies”in ən vacib sərvətidir.
Bu sertifikat bir daha təsdiq edir ki, keyfiyyət standartları və xidmətlərin yüksək səviyyədə göstərilməsi bizim əsas prioritetimizdir!