Rəqəmsal Gələcək
ULTRA ilə Gələcək

Ultra Technologies şirkətinin 10 illik fəaliyyəti

2010-cu ildə “Təhsil Sisteminin informasiyalaşdırılması üzrə Azərbaycan Respublikasının Dövlət Proqramı”çərçivəsində 20-dən çox məktəbə E- Təhsil sistemi tətbiq edilmişdir.Ölkəmizdə informasiya və kommunikasiya texnologiyaları, bütövlükdə informasiya cəmiyyətinin formalaşdırılması sahəsində ciddi işlər görülmüşdür. 
Elektron Sənəd Dövriyyəsi. 2010-cu ildə ilk dəfə İqtisadi İnkişaf Nazirliyində - “Meqapolis DocNet “ e-Sənəd dövriyyəsi və “HRM- kadrların idarəolunması”sistemi tətbiq olunmuşdur. Sistem insan resurslarının və sənəd dövriyyəsinin idarə edilməsi üçün yaradılmış vahid avtomatlasdırılmış həlldir. 
Elektron imza layihəsi 2011- ci ildə Rabitə və İnformasiya Texnologiyaları, Microsoft və Azerin şirkəti tərəfindən ictimaiyyətə təqdim olundu. Elektron imza - Elektron dünyada şəxsiyyəti müəyyənləşdirmə vasitəsidir. İnsanların əl imzalarının, rəqəmli çeviricilərdən keçirilmiş barmaq izləri və səs kimi bioloji əlamətlərinin və kimliklərinin elektron halda doğrulanmasını təmin edən vasitədir. Elektron imza - elektron sistemdə imzanın malik olduğu bütün işləri yerinə yetirən, elektron sertifikat vasitəsilə bir elektron məlumata əlavə edilən və məlumatı göndərəni təyin edən bir rəqəmsal koddur. 
2011-ci ilin may ayında Azərbaycan hökuməti ilə “Microsoft” şirkəti arasında bütün dövlət orqanlarında lisenziyalı proqram təminatının istifadə edilməsi ilə bağlı “Enterprise Agreement” sazişi imzalanıb. “Enterprise Agreement” sazişinin imzalamasında əsas məqsəd Azərbaycanda proqram təminatının pirat versiyalarının istifadə səviyyəsini aşağı salmaqdan ibarət idi. Qeyd edək ki, dövlət orqanlarında proqram təminatının lisenziyalaşdırılması layihəsinin operatoru qismində  “Microsoft Large Account Reseller” statusuna malik  “Ultra Technologies” şirkəti çıxış edirdi. “Microsoft” şirkət ilə yüksək səviyyəli tərəfdaşlıq, “Ultra Technologies” şirkətinə, dövlət təşkilatları və iri özəl şirkətlərlə effektiv əməkdaş etməyə imkan yaradır. Şirkət, intellektual mülkiyyətin müdafiəsi sahəsində mühüm dəyişikliklər etmək üçün kifayət qədər təcrübəyə və böyük potensiala malikdir. “Ultra Technologies” şirkətinin ölkədə həyata keçirilən çoxsaylı İKT layihələrdə iştirakı bunu bir daha təsdiq edir. Bank Standard, AMRAHBANK, UNİBANK, AG BANK, EKSPRESSBANK bütün bu banklarda Ultra Technologies şirkəti tərəfindən ST.Bank .İT .analitika və hesabat sistemi tətbiq olunub.
“ASAN xidmət” mərkəzləri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Azərbaycan Respublikası Prezidentinin 2012-ci il 13 iyul tarixli 685 nömrəli Fərmanına əsasən yaradılmışdır. Ultra Technologies tərəfindən ASAN xidmət mərkəzinin fəaliyyəti üçün tam İT infrastrukturu yradılmışdır. ASAN Xidmət Xətai, Yasamal, Sumqayıt və Gəncə filiallarında İT infrastruktur üzrə işlər aparılmışdır. Xidmət mərkəzinin rəsmi VEB səhifəsi də Ultra Technologies şirkəti tərəfindən hazırlanmışdır. Layihə ən qısa zaman ərzində reallaşdırılaraq təhvil verilib. Statistikaya görə indiyədək 300 mindən çox vətəndaş Xidmətdən yararlanıb. Şirkət tərəfindən həmçinin elektron növbə sistemi, məlumatların idarə olunması üzrə müasir mərkəz, Call-Center, İnnovasiyalar mərkəzi yaradılıb.
Ultra Technologies şirkəti bir çox Veb saytların yaradıcısıdır: Eurovision. az saytı, Azərbaycan Respublikası Təhsil portal Heydər Əliyev Fondu, Heydər Əliyev Mərkəzi, Azərbaycan birinci xanımı Mehriban Əliyevanın rəsmi səhifəsi, Leyla Əliyevanın rəsmi səhifəsi, Heydər Əliyev Fondu “Fly to Baku”, “Azerbaijan Pavilion la Biennale di Venezia” saytlarının yaradıcısıdır. 2012-ci ildə Azərbaycan Respublikası Mədəniyyət və Turizm Nazirliyinin dəstəyi ilə E-Kitabxana layihəsi realizə olundu. ALİSA sistemi ən son texnologiyalarının tətbiqi ilə işlənib hazırlanmış veb əsaslı sistemdir. Sistem MARC21, İSO2109, UNİCODE, Z 3950 və digər standard və protokollar üzərində qurularaq istənilən milli, ictimai, özəl, universitet, məktəb kitabxana proseslərinin tam avtomatlaşdırılması üçün bütün funksionallıqları özündə əks etdirir. 
Ultra Technologies şirkətinin direktoru Zaur Məmmədzadə bildirdi. Müasir dövrdə informasiya-kommunikasiya texnologiyalarının geniş tətbiq olunması və yüksək sürətlə inkişaf etməsi danılmaz bir faktdır. Bizim şirkət yaranan ilk gündən etibarən Azərbaycanın İT bazarında fəaliyyət göstərir. Biznes proseslərinin daim optimallaşdırılmasına, İT infrastruktur, data mərkəz, inteqrasiya sistemləri, texniki dəstək, müasir avadanlıq, proqramlaşdırma, praktik təcrübə və sabit artım dinamikası haqqında topladığımız biliklər nəticəsində şirkətimiz keyfiyyətli xidmətlər və məhsullar təqdim edir. 
Şirkətimizin bu günki inkişaf dinamikasını sürətləndirmək və daim yeniliklər (Always Innovation) etmək üzərində böyük bir heyət işləyir və növbəti il üçün şirkətimizin əsas məqsədi regional kompleks həllər təklif edən şirkətə, növbəti 10 il üçün isə Avropanın lider şirkətlərindən birinə çevrilməkdir.