Bu gün UNEC ilə qarşılıqlı işbirliyi çərçivəsində, “Rəqəmsal texnologiyalar və tətbiqi informatika” kafedrasının bir neçə qruplarının tələbələri təcrübənin bölüşdürülməsi məqsədilə ULTRA Technologies şirkətinə dəvət olunmuşdur.
UNEС – ın tələbələrinə İT dünyasına qatılmaq, İT mütəxəssisi peşəsi haqqında daha ətraflı məlumat əldə etmək və İT sənayesini daxildən tanımaq imkanı yaradılmışdır. Gənclər şirkətin əsas departamentləri ilə yaxından tanış olub, peşəkarlarla söhbətdə iştirak edib, mütəxəssislərimizdən dəyərli məsləhətlər alıb və server otağına baş çəkiblər.
Həmçinin, onlara şirkətin tarixi haqqında təqdimat keçirilib və şirkətimizdə mütəmadi keçirilən təcrübə proqramı haqqında ətraflı məlumat təqdim edilib.
Bu görüşdə, yuxarıda qeyd olunan kafedranın dosenti Bayramov Hafiz Məhərrəm oğlu iştirak etmiş və gələcəkdə də gənc nəsilin İT sahəsinə marağın artırılması üçün bu cür tədbirlərin keçirəcəyini qeyd etmişdir.
