Hər zaman gənc kadrlara dəstək olan “ULTRA Technologies” şirkəti
ölkəmizdə gənclər arasında İT sahəsinin inkişafına töhfə verməyə çalışır. Bunu
sübut edən daha bir layihə şirkətimizin Azərbaycanın hər yerindən olan uşaqların
proqramlaşdırma sahəsində öz bacarıqlarını nümayiş etdirə bildiyi, qarşılığında
isə dəyərli hədiyyələr və əvəzsiz təcrübə əldə etdiyi "Hour of Code"
tədbirinə sponsorluq etməsi oldu.
Elm və Təhsil Nazirliyinin “Rəqəmsal bacarıqlar” layihəsinin təşkilatçılığı,
Gənclər və İdman Nazirliyinin dəstəyi ilə baş tutan müsabiqə IV-IX sinif şagirdləri
arasında keçirilib. Müsabiqədə iştirak üçün 19 000 şagird qeydiyyatdan keçib.
Müsabiqənin keçirilməsində əsas məqsəd qlobal
“Kod saatı” hərəkatının davamı olaraq məktəblilər arasında kompüter elmlərinin və
proqramlaşdırmanın təbliği, eləcə də gənc nəslin bu sahəyə olan marağının artırılmasıdır.
Tədbirin ən maraqlı anlarını əks etdirən fotoları sizinlə paylaşırıq.
Unutmayaq ki, uşaqlar bizim gələcəyimizdir!