2000-ci illərin əvvəllərində informasiya texnologiyaları inanılmaz sürətlə yeni dövrə qədəm qoydu. Bu dövr İnternetin, mobil texnologiyaların və bulud əsaslı hesablamaların kəskin inkişafı ilə səciyyələnirdi. Bu, həm də rəqəmsal transformasiyanın hərəkətverici qüvvəsinə çevrilən “Google”, “Amazon” və “Facebook” kimi nəhənglərin meydana gəlməsi ilə əlamətdar oldu. 

Bununla belə, İT sənayesinin XXI əsrin əvvəllərindəki vəziyyəti ilə indiki vəziyyətini müqayisə etsək, nə dərəcədə nəhəng təkümülün baş verdiyini görə bilərik. Bu gün informasiya texnologiyaları təkcə biznes proseslərini dəstəkləmir, həm də onların əsas komponentinə çevrilib. Sürücüsüz avtomobillərin inkişafından tutmuş bulud əsaslı hesablamalara və süni intellektə qədər - İT həyatımızın bütün sahələrinə nüfuz edir.

“Information Technology & Innovation Foundation” təşkilatının 2023-cü il üçün məlumatlarına əsasən, İT sahəsinə investisiyalar yeni səviyyəyə çatıb. Məlumatların emalına marağın artması ən çox müşahidə olunan trendlərdən biridir. Artıq təşkilatlar məlumatların dəyərini getdikcə daha çox dərk edir və daha əsaslandırılmış qərarlar qəbul etmək üçün onların təhlili üzrə innovativ metodları fəal şəkildə tətbiq edir. 

Qlobal tendensiyalar kontekstində ölkəmizdə İT sahəsinin vəziyyətinə diqqət yetirmək vacibdir. “Global Innovation Index 2023” hesabatına görə Azərbaycanda ciddi tərəqqi müşahidə olunur. Bu, həm də kommunikasiya infrastrukturunun təkmilləşdirilməsi və rəqəmsal iqtisadiyyatın inkişafı ilə bağlıdır. 

Belə ki, 2019-cu ildə şirkətimiz “Paşa Bank”da analitik sistemin (Business Intelligence - BI) və korporativ məlumat saxlanclarının (Data Warehouse - DWH) işlənib hazırlanması və tətbiqi üçün həlli uğurla həyata keçirib, bu ilin əvvəlində isə Azərbaycan Respublikası Səhiyyə Nazirliyinin İnnovasiya və Təchizat Mərkəzində analoji sistemin tətbiqi üzrə tenderin qalibi olub. 

Tədbir barədə daha ətraflı məlumat üçün məqaləyə keçid edin http://surl.li/nbdkhg